5 Vjetori i CARP Tirana e Re dhe Konkursi i Eseve

Pas dy muajsh përgatitje, mundëm të organizonim eventin me rastin e 100 vjetorit të Reverend Son Mjong Mun dhe 77 vjetorit të bashkëshortes së tij Dr. Hak Xha Han Mun. Pjesëmarrja në këtë event ishte e lartë dhe jemi të surprizuar që pamë se të rinj, që nuk i njihnin më parë themeluesit e Federatës së Familjes, ishin të mahnitur nga jeta që ata kanë bëre dhe misionet e vlerat e organizatave rinore siç janë W-CARP dhe YSP. Rreth 160 te ftuar morën pjese dhe shijuan programin e eventit.

Eventi u moderua nga dy prezantues të shkëlqyer: Ardit Matraku dhe Besiko Llaha që krijuan një atmosferë shumë të bukur. Pjesa që do të mbetet e paharrueshme ishte padyshim ajo e performancave. Në përgatijte e sipër për eventin, po mundoheshim të gjenim persona vërtetë të talentuar që mund të performonin. Të gjitha performancat ishin të arrira dhe të pëlqyera shumë nga publiku. Pjesë e performancave ishin këngë e valle folklorike, opera bashkë me piano, 2 violina solo dhe recitime.

Dega e W-CARP Tirana e Re u hap në shkurt të 2015 dhe patjetër që meritonte një festim të denjë për këto 5 vite plot investim në rininë e qytetit të Tiranës. Pjesa e parë e eventit ishte Ceremonia e Mirënjohjes ku pionerë dhe individë të tjerë që ndihmuan në hapjen e qëndrës u vlerësuan me certifikatë dhe një dhuratë për t’u treguar mirënjohjen dhe vlerësimin e duhur për kontributin dhe përkushtimin e tyre. Ishim të nderuar të kishim mes nesh dy nga pionerët, znj. Majlinda Ziko që ka patur pozicionin e koordinatores së kësaj dege dhe z. Agron Pacolli. Ata gjithashtu folën pak rreth eksperiencës që kanë patur me këtë qendër.

Një pjesë shumë e rëndësishme e eventit ishte gjithashtu Konkursi i Eseve të bazuara në jetën e themeluesit, Son Mjong Mun, konkretisht në librin e tij autobiografik. Ishin rreth 40 aplikantë të cilët e lexuan librin dhe dërguan esetë e tyre të mirë punuara. Disa prej tyre ishin shumë prekëse dhe na bënë shumë përshtypje kur pamë që ata mund të kuptonin misionin e Son Mjong Mun e se sa të rëndësishme janë mësimet e tij. Ishte me të vërtetë e vështirë për të zgjedhur një fitues.

Aplikantët ishin ndarë në 2 kategori: gjimnazistë dhe studentë; dhe për secilën kategori kishte 3 fitues. Vendet e treta përfituan një seminar të paguar që organizoget nga W-CARP. Vendi i dytë morën një dhuratë dhe vëndi i parë u vlerësua me 200$ per secilen kategori.